La Astra Mapo, Dua Parto.

Zodiakaj signoj kaj planedoj

En la antaŭa artikoleto estis eksplikita kio estas la Ascendejo kaj la Descendejo de la astra mapo. Estis asertite, ke la planedoj, la Suno kaj la Luno, leviĝas disde la Ascendejo kaj subiras tra la Descendejo. Ne nur tiuj astroj ŝajnas fari tiun trairadon. La dek du Zodiakaj Signoj ŝajnas ankaŭ leviĝi kaj subiri, trairantaj la ĉielon.

Se vi loĝas en kamparo aŭ se vi havas la eblon eliri la urbon (kie oni ne povas vidi la stelojn kaŭze de la urba lumo) por rigardadi la ĉielon, vi povos vidi kiel malrapide la stelaroj leviĝas disde oriento, dum la kontraŭaj stelaroj subiras malaperante tra okcidento, ĝuste tiel, kiel la planedoj mem faras. Ĉiu Zodiaka Signo bezonas du horojn por trairi tra la Ascendejo: 12 Zodiakaj Signoj oble 2 horoj = 24 horoj de la Tera diurno. Ĉiu signo havas 30 gradojn tiel, ke la 12 Zodiakaj Signoj kompletas la 360 gradojn de la ĉiela cirklo.

La astra mapo do celas reprezenti du astrajn fenomenojn: la dek du Zodiakajn Signojn kaj la sidlokon de la planedojn. Por atingi tiun celon la astra mapo havas du cirklojn: unu ekstera cirklo por montri la Zodiakajn Signojn kaj unu interna cirklo por montri la sidlokojn de la planedoj je iu momento specifa.

La Astra Mapo, Unua Parto.

La Ascendejo kaj la Descendejo

Por lerni “legi” ĉion, kion la astra mapo de iu persono enhavas, ni komencu per la imago, ke la horizonta linio dividanta la cirklon en du ekzaktaj duonoj estas fakte ia reprezento de la Tera horizonto. Ĉiu astra mapo havas tiun ĉi linion, aŭ almenaŭ ĝin devas havi:

La maldekstran ekstremon de tiu linio oni nomas la Ascendejo (ASC). Tiu ĉi punkto estas oriento: la loko de la sunleviĝo. Kontraŭ ĝi, je la dekstra ekstremo de la horizonto, oni trovas okcidenton: la loko de la sunsubiro. Oni nomas tiun ĉi punkton en la astra mapo la Descendejo (DES). Tiuj oriento kaj okcidento estas rilataj al la loko tie, kie la persono naskiĝis: ne temas pri la politikaj Oriento (Azio) kaj Okcidento (Ameriko, Eŭropo). Do, la ruĝa cirkleto je la centro de la astra mapo reprezentas la naskiĝlokon de la persono: ĝi povas esti fakte iu punkto ajn de la tersurfaco! Tial la Ascendejo kaj la Descendejo de la astra mapo estas ekzakte la oriento kaj okcidento de iu propra naskiĝloko.

Kial oni nomas tiujn ĉi punktojn Ascendejo kaj Descendejo? Ĉar tra nia oriento ĉiuj planedoj (kaj la Suno kaj la Luno) ŝajnas leviĝi ĝis la plej supra parto de la ĉielo, kaj poste descendi ĝis okcidento. Tra okcidento (la Descendejo), tiuj astroj ŝajnas malaperi malsupren de la horizonto. Tiaj movoj okazas dum la tuta diurno: kaj tago kaj nokto. Kompreneble dum la tago oni ne povas vidi la planedojn, ĉar la sunlumo ne ebligas tion. Sed dum la nokto oni ja povas vidi la planedojn tre malrapide leviĝi disde la Ascendejo kaj subiri en la Descendejon. Tiuj du astraj punktoj estas ja tre gravaj en la astra mapo.

Steloj ĉe mia urbo

Hieraŭ estis foresto de la elektra servo en mia urbo kaj mi profitis la okazaĵon por vidi stelojn. Ĉar la mallumo ne kovris la tutan urbon, la ĉielo havis ankoraŭ iom da urba lumo. Do, nur la plej brilaj steloj videblis.

Se mi staras en la posta ĝardeno de mia loĝejo, mi vidas pli malpli la jenon (je 7:40 vespere): la Grandan Ursinon kaj la Malgrandan Ursinon, Drakon (dekstre de la Malgranda Ursino), Borealan Kronon (dekstre kaj supre de Drako). Ankaŭ videblis brila blua stelo, kiun mi unue pensis estis planedo. Mi kredas, ke tiu ĉi blua stelo estas Alpha Lyrae, sed mi ne certas pri tio.

Turnante min al la posta flanko de la ĝardeno, mi vidas la jenon: Skorpion, Lupon (dekstre de Skorpio), Centaŭron (dekstre de Lupo, mi ne desegnis ĝin tie ĉi, ĉar mi ne scias kiel ankoraŭ...), Sudan Krucon (ĉe la dekstraj arboj), Korvon (sube de la Luno), Pesilon (supre de Skorpio), kaj brilan stelon, kiu mi pensas estas Spiko (Stelo de Virgulino). Post la paso de la minutoj, oni povas vidi Arkpafanton leviĝantan sube de Skorpio.

La kontraŭstaro inter Jupitero kaj Saturno

Tre malrapide disvolviĝas la kontraŭstaro (aŭ astra opozicio) inter Jupitero kaj Saturno. Jupitero eniris la signon Virŝafon je la tago 22a de januaro, antaŭenirante tra tiu signo ĝis tiam, kiam la tagon 4an de junio tiu ĉi granda planedo eliros Virŝafon por eniri Taŭron (la Virbovo). Ĉe la mala parto de la ĉielo, Saturno, antaŭenirante multe pli malrapide ol Jupitero, eniris Pesilon je 2009. Saturno, la verda-flava giganta planedo, estos en Pesilo ĝis la jaro 2012. 

Jupitero kaj Saturno kiel malaj simboloj

Ekde la monato januaro de tiu ĉi jaro ĝis nun, tiuj du gigantaj planedoj moviĝadas malrapide en malaj lokoj de la ĉielo, Jupitero en Virŝafo kaj Saturno en Pesilo. Tia estas interesa kontraŭstaro, ĉar astrologie tiuj ĉi du planedoj estas kvazaŭ malaj simboloj. Jupitero estas simbolo de disvolviĝo, pligrandiĝo, plivastiĝo kaj plietendiĝo, dum Saturno havas energion pri limiĝo, enfermiĝo, malpligrandiĝo, malekspansio. Jupitero helpas ion aŭ iun kreski kaj disvastiĝi. Male Saturno helpas ion aŭ iun ĉesi la kreskon, kvietiĝi, senmoviĝi, enfermiĝi kaj limiĝi. Do certe kontraŭstaro inter tiuj ĉi du planedoj ŝaltas la nature malajn energiojn kiuj ekestas inter ili.

La ricevantoj de la nuna kontraŭstaro: Virŝafo kaj Pesilo

Virŝafo kaj Pesilo, kiel ili tuŝas la aferon? Virŝafo, signo ekspansiisma, ekscitema kaj centrifuga, estas elĵetanta benzinon al la fajro de Jupitero, ŝaltanta la nature optimisman energion jupiteran. Sekve, kaj Virŝafuloj kaj Arkpafantuloj estas havantaj grandan elverŝon da mova energio disvolviĝa el Jupitero. Pesilo, signo paca, agrabla kaj tute ne militema, intensigas la stagneman energion de Saturno (kiu estas iel centripeta simbole), ŝaltante ankoraŭ plie la signifojn pri limoj, enfermoj kaj malekspansioj, denaskajn en tiu ĉi planedo. Do, Saturno estas iganta la Pesilulojn pli stagnemaj, maldecidemaj, hezitaj, eble pli malparolemaj, senmovaj kaj timemaj.

El tiu ĉi kontraŭstaro planeda, Pesilo estas la malvenkanto, ĉar ties natura manko da energio iĝas pli nefirma, pli kriza. Kaprikorno, la regno de Saturno, ne eltiras tre bonan profiton de tiu cirkonstanco: des pli tiam, kiam nun Saturno estas retroiranta. Do, poste de la tago 14a de junio, kiam Saturno rekomencas sian direktan antaŭeniran movon, eble la situacio pliboniĝos iomete. Sed ĝenerale, Pesilo kaj Kaprikorno devas sidi pripensi multe siajn aferojn, plenumi senprokraste la devojn kaj zorgi laboreme la respondecojn. Dum Jupitero antaŭeniras tra Virŝafo malestigante la malkonjunkcion, la aferoj de Pesilo kaj de Kaprikorno pliboniĝos. Por ke tio ĉi okazu, oni bezonas nur kelkajn tagojn pli ĝis hodiaŭ...

Resume:

Virŝafuloj: profitu la energion de Jupitero en via signo. Komencu entreprenojn. Rompu la limojn kaj iru tien, kien vi ĉiam volis iri. Sed NEPRE observu leĝojn (Saturno en Pesilo) kaj plenumu viajn devojn kaj taskojn antaŭ ĉio ajn. Ĉio tio ĉi estos necese ĝis la 4a de junio.

Arkpafantuloj: profitu la fajrecan kaj centrifugan energion, kiun Virŝafo enĵetas al via Regna Planedo (Jupitero). Tian ekspansiisman sintenon daŭrigu sufiĉe ĝis la 4a de julio.

Pesiluloj: Saturno en via signo ne favoras la festeman konduton, nek la nerespondecon, la longdaŭran heziton aŭ la malobservon de leĝojn kaj devojn. Estas tempo por labori, por respondi al viaj defioj. Respektu morojn. Ne rompu horarojn kaj nepre ne prokrastu tion, kio bezonas esti solvita. Eĉ poste de tiam, kiam la kontraŭstaro inter Jupitero kaj Saturno malaperos, Saturno estos en via signo ĝis la jaro 2012. Tio ĉi okazas nur unufoje post tridek jaroj! Do, estas grava kaj serioza tempo por vi.

Kaprikornuloj: Via Regna Planedo (Saturno) en Pesilo postulas prizorgi la serĉon de ekvilibro kaj la analizon de via konduto en la socio. Nepre evitu ekstremojn kaj fanatikecajn sintenojn. Tio ĉi estos necese ĝis la jaro 2012, kiam Saturno eliros Pesilon.

Pri la vorto konjunkcio kaj aliaj astrologiaj terminoj

Nia bela lingvo estas tiel rafinita, ke ĝi disponeblas bone je abunda nombro da ebleco por multaj esprimmanieroj. Ekzemple, la vorto konjunkcio: ĝi havas en la esperanta lingvo unu signifon prigramatikan kaj unu signifon primatematikan. Do, parolante pri astrologio/astronomio, se ni uzas la vorton konjunkcio, ĝi nur pravas je sia ĝenerala signifo pri "kunigo". En la ĉielo, kiam du planedoj aŭ korpoj de nia sunsistemo kuniĝas, tiam okazas astrologia/astronomia konjunkcio. Tio estas, la du planedoj aŭ korpoj ŝajnas kuniĝi aŭ ligiĝi pli-malpli en la sama loko de la ĉielo. Nu! Pli-malpli signifas tie ĉi la jeno: kuniĝo de ne pli ol ok gradoj!

Mi skribas kune astrologion kaj astronomion pro tio, ke la koncepto pri konjunkcio estas ne nur koncepto priastrologia, sed ankaŭ priastronomia. Multfoje astrologio kaj astronomio ankaŭ kuniĝas koncepte. Kiam tio ĉi okazas, oni povas bone uzi la vorton stelscienco, kiu ne distingas inter astrologio kaj astronomio. Do, jen tri vortoj en nia bela lingvo Esperanto, kiuj havas rajton ekzisti kaj kiuj iel pravas, ĉiu laŭ sia propra nuanco. Kompreneble, anstataŭ konjunkcio oni povas diri kuniĝon aŭ ligiĝon, vortoj tiuj, kiuj bone klarigas la kernon de la afero. Kaj kiel okazas planedaj konjunkcioj, tiel ankaŭ okazas malkonjunkcioj. Planedoj aŭ sunsistemaj korpoj plej malproksimaj inter si (tio estas, ĉirkaŭ 180 gradoj da disiĝo en la ĉielo), estas planedoj aŭ korpoj je malkonjunkcio. Oni ja povas uzi la vorton opozicio, sed tiu vorto havas fortan sencon pripolitikan en la esperanta lingvo, escepte se ni uzas ĝin kun la ĝenerala signifo kontraŭstaro. Ĉar malkonjunkcio estas ekzakte kontraŭstaro de du objektoj aŭ korpoj. Do, malkonjunkcio, "opozicio" kaj kontraŭstaro estas pli-malpli sinonimoj en la astrologia terminaro.

Klaraj difinoj de la vortoj estas bone por la scienco. Sed ankaŭ tia vortoproviza riĉeco de nia lingvo estas bone por la scienco. Jen alia maljusta kritiko al la astrologio: la signifo de la vorto planedo... En stelscienca terminologio, la vorto planedo temas ankaŭ pri la Suno kaj la Luno. Astronomia difino de planedo estas la jena: "astro ne memlumanta, rondiranta ĉirkaŭ stelo kaj balaanta la ĉirkaŭaĵon de sia orbito". Laŭ tiu ĉi difino, nek Suno nek Luno estas planedoj, ĉar unu el ili (la Suno) estas memlumanta kaj ne rondiranta ĉirkaŭ stelo, kaj la alia (la Luno) ne rondiras ĉirkaŭ stelo, sed ĉirkaŭ planedo (nia Tero). Kelkaj astronomiistoj ankoraŭ ne komprenas (aŭ ne volas akcepti), ke la vorto planedo en astrologio konservas sian arĥaikan signifon devenanta de la greka kaj de la latina lingvoj. La origina signifo de la vorto planedo estas "vaganto, transiranto", tio estas, astra korpo tiu, kiu vagas, kiu transiras. Stelscienco distingis nur du klasojn de astraj korpoj: 1) la tiel nomitaj fiksaj steloj (korpoj ekster nia sunsistemo), kaj 2) la vagantaj lumoj (la planedoj de nia sunsistemo kune kun la Suno kaj la Luno). Laŭ tiu ĉi malnova signifo, kaj nia Suno kaj nia Luno estas ankaŭ planedoj. Tia stelscienca difino daŭre ekzistas en astrologio, kvankam ne en astronomio.

Oni ne devas lasi tiun ĉi terminaran diferencon surprizi onin. Ĝi ekzistas ankaŭ multe en aliaj sciencoj. Ekzemple, en fiziko la sciencistoj daŭre uzas la vorton atomo, kvankam tiu ĉi vorto havis (ĝis ne tre mallonga tempo) la signifon "materia ero ne disigebla". Se ekzistus vorto ekvivalenta en nia lingvo al la vorto atomo, ĝi estus io kiel "seneraĵo" aŭ "senpartaĵo" aŭ "nedisigeblaĵo". Sed atomoj ja estas "disigeblaĵoj" aŭ "parto-havaj aĵoj" aŭ "ero-havaj aĵoj". Malgraŭ la origina signifo de la vorto atomo, kiu jam ne havas sencon, sciencistoj daŭre uzas ĝin. Malgraŭ la nova signifo de la vorto planedo, astrologio daŭre uzas la malnovan...

Resume:

Astrologia aŭ astronomia konjunkcio: ŝajna kuniĝo aŭ proksimiĝo de du aŭ pli planedoj aŭ astraj korpoj en la ĉielo, kun ekde nul gradoj ĝis ok gradoj da disigo inter si.

Astrologia aŭ astronomia opozicio: kontraŭstaro aŭ malkonjunkcio inter du aŭ pli planedoj aŭ astraj korpoj en la ĉielo, kun ĉirkaŭe de cent okdek gradoj da disigo inter si.

Planedo: laŭ astrologia terminologio, ĉiuj el la astronomiaj planedoj de la sunsistemo plus Suno kaj Luno. Laŭ astronomia terminologio: en nia sunsistemo nur Merkuro, Venuso, Tero, Marso, Jupitero, Saturno, Urano, Neptuno kaj Plutono (nuntempe nomita nanplanedo aŭ planedeto).

Stelscienco: pratempa konosistemo, kiu kunigis astronomiajn sciojn kaj astrologiajn teoriojn kaj praktikojn. Ankaŭ la koncepta kunigo de astrologiaj kaj astronomiaj scioj.

Astrologio: konosistemo devenanta de pratempa stelscienco kaj daŭre havanta teorie kaj koncepte konekton kun la pratempa stelscienco. Astrologio estas de kelkaj sciencistoj taksita kiel ŝajnscienco.

Astronomio: moderna konosistemo scienca ankaŭ devenanta de pratempa stelscienco, sed ne havanta nuntempe teoriajn konektojn kun ĝi. Astronomio distingiĝas nuntempe disde astrologio.

Tiel estos la ĉielo dum la jaro 2011 (Dua Parto).

Tiuj ĉi bildo montras du astrologiajn movojn malsamajn. Unue, ĉe la ekstero de la cirklo oni vidas la malrapidajn triradojn de la plej grandaj planedoj (Jupitero, Saturno, Uranuso kaj Neptuno) de nia sunsistemo plus Plutono. Tiuj planedoj havigas influojn sur grandaj aroj da homoj, ankaŭ sur regnoj, landoj, kontinentoj kaj tiuj influoj daŭras dum monatoj. Plej supren en la bildo estas la simbolo de Plutono. Tiu planedo eniris Kaprikornon multaj monatoj antaŭe kaj restos tie multajn jarojn plu, ĉar ĝia movo estas tre malrapida. Tio signifas, ke ĉiu estaĵo aŭ aĵo, kiu apartenas al tiu signo, havos kelkajn transformojn tiun tempon, ĉar Plutono estas la planedo tiu, kiu alportas “morton kaj renaskiĝon”. Personoj tiuj, kiuj estas Kaprikornuloj aŭ kiuj havas Kaprikornon kiel supreniran signon havos jaron 2011 plenan de transformiĝo, revalorigon de ecoj kaj ĝisostajn ŝanĝojn. Tio ne estas necese malbone aŭ bone. Tio dependos kaj de la konduto kaj de la sinteno dum la jaro. La energio de Plutono povas ankaŭ havi tiutempe efikojn sur la aliaj kardilanaj signoj: Virŝafo, Kankro kaj Pesilo.

Iom maldekstren kaj malsupren en la bildo estas la símbolo de Neptuno komence de Fiŝoj. Tiu planedo eniras Fiŝojn je la 4a de aprilo kaj iros kaj retroiros de tiu tago ĝis la 5a de aŭgusto ĉiam sur la signo Fiŝoj. Neptuno favorigas la kreivon kaj la idealojn efektivigitajn je faktaj aŭ praktikaj celoj tiun tempon. Fiŝuloj kaj tiuj, kiuj havas Fiŝojn kiel supreniran signon povos profiti el la ekspansioj spirita kaj mona, kiujn pretigas la giganta Neptuno sur Fiŝoj. La energio de Neptuno povas ankaŭ tiutempe havi efikojn sur la aliaj ŝanĝeblaj signoj: Ĝemeloj, Virgulino kaj Arkpafanto.

Iom malsupren de la trairado de Neptuno, oni povas vidi la simbolon de Jupitero, sur Virŝafo. Ĝi suriros tien je la 22a de januaro ĝis la 4a de junio, kiam eniras Taŭron por resti tie ĝis la jaro 2012. Jupitero estas ankaŭ planedo alportanta ekspansion, bonsorton kaj fortojn, sed la unuaj tagoj post la 22a de januaro ĝi havos opozicion (malkonjunkcion) kun sia kontraŭa planedo Saturno, kiu kuŝas sur Pesilo ekde 2009 kaj restos tie ĝis 2012. Jupitero alportos bonhumoron kaj bonsorton al la Virŝafuloj tiun jaron, kvankam Saturno pretigos kelkajn reagojn, kiuj signifas devigajn prokrastojn, malfruigojn kaj lacecon precipe por Pesiluloj. La energioj de ambaŭ planedoj, Jupitero kaj Saturno, certe havos ankaŭ efikojn tiutempe sur ĉiu kardinala signo: Virŝafo, Kankro, Pesilo, kaj Kaprikorno. Eble ekestos malfacilajn interrilatojn precipe inter Virŝafuloj, Kaprikornuloj kaj Pesiluloj, car ili havos respektive Jupiteron, Plutonon kaj Saturnon. Kaj tiuj du lastaj planedoj ne estas precize la plej afablaj de la sunsistemo.

Uranuso estos ankaŭ sur la signo Virŝafo (vidu maldekstre de la Jupitera símbolo en la bildo). Ĝi eniras Virŝafon je la 12a de marto kaj trairos tiun signon dum multaj jaroj ĝis 2018. Tamen, dum 2010 kaj ekzakte ekde la 12a de marto, tiu ĉi giganta planedo havos influojn ankaŭ sur Virŝafuloj. Ĝi rompos la rutinon kaj devigos la homojn labori grupe. Ĝi ŝatas esti originale, revoluciema kaj noviga, kvankam iom senorda. Do, Virŝafuloj havos multon da energio por esti lumaj, brilaj kaj tre popularaj dum la unuaj monatoj de la jaro. Profitu tiun energiojn!

Due, ĉe la eno de la cirklo oni vidas la retroirajn movojn de tiu ĉi jaro. Tri retroiraj movoj fare de Merkuro tiel, kiel estas kutime. De la 31a de marto ĝis la 24a de aprilo sur Virŝafo. Poste de la 4a de aŭgusto ĝis la 27a de aŭgusto sur Virgulino kaj Leono. Kaj la lasta, de la 25a de novembro ĝis la 15a de decembro sur Arkpafanto. Atentu tiuj signoj (Virŝafo, Virgulino, Leono kaj Arkpafanto) siajn komunikadojn, vojaĝojn kaj parolojn dum la menciitaj tempodaŭroj. (Legu ankaŭ pri retroira movo de Merkuro tie ĉi: Retroira movo de Merkuro).

La aliaj retroiraj movoj ne estas tre gravaj. Nur rimarkindaj estas la retroiraj movoj de Jupitero (de la 31a de aŭgusto gis la 26a de decembro sur Taŭro) kaj de Saturno (de la 27a de januaro ĝis la 14a de junio sur Pesilo). Do, havu atenton kaj zorgon dum tiuj tagoj la Taŭruloj, Arkpafantuloj, Pesiluloj kaj Kaprikornuloj.

Tiel estos la ĉielo dum la jaro 2011 (Unua parto)

Feliĉan Novjaron al ĉiuj!

Tiuj eventoj planedaj ne estas ĉiom el la eventoj okazontaj ĉi-jare. Tiuj ĉi estas nur kelkaj el la pli gravaj. Ene de la cirklo oni vidas kvar ruĝajn striojn. Tiuj estas la kuniradoj aŭ kunamasiĝoj de planedoj dum la jaro 2011. Ekzemple, supren kaj iom maldekstre oni legas “FEB”: tio estas la monato februaro, kiu havos kvar astrologiajn planedojn sur la signo Amforo: la Suno, Merkuro, Marso kaj Neptuno. Tia kunirado de planedoj ebligas multon da okazaĵoj dum tiu tempo, okazaĵoj rilatigotaj precipe al la signo Amforo. Ĝi estos tempo plena je okazaĵoj por Amforuloj (kaj tiuj, kiuj havas Amforon kiel supreniran signon). (1)

Poste (vidu iomete malsupren de la antaŭo) okazos kunirado planeda dum la monato marto sur la signo Virŝafo: la Suno, Merkuro, Jupitero kaj Neptuno trairos kune tiun parton de la ĉielo. Do, ĝi estos tempo plena je okazaĵoj por Virŝafuloj (kaj tiuj, kiuj havas Virŝafon kiel supreniran signon). La sekvantan monaton aprilo daŭros kunirado de la antaŭaj planedoj menciitaj plus la ruĝa planedo Marso ankaŭ sur la signo Virŝafo. Kaj ankaŭ dum la monato majo okazos kunamasiĝo sur Virŝafo: Merkuro, Venuso, Marso, Jupitero kaj Neptuno. Je tiu ĉi monato (majo) tia kunirado de planedoj surtrairos la signon Taŭro sed nur la Suno, Merkuro, Venuso kaj Marso. Tiuj tri monatoj (marto, aprilo kaj majo) iĝos tempo tre okupita kaj tre okazaĵo-hava por la signoj Virŝafo kaj Taŭro (kaj por tiuj, kiuj havas tiujn signojn kiel supreniran signon).

Pli poste en la jaro, je septembro kaj oktobro okazos kunirado sur la signo Pesilo. Tiun fojon estos kune la Suno, Merkuro, Venuso kaj Saturno. Tiu ĉi kunamasiĝo de planedoj naskos okazaĵojn interesajn ĉefe por tiuj homoj, kiuj apartenas al la signo Pesilo (kaj tiuj, kiuj havas Pesilon kiel supreniran signon). La bildo montras ankaŭ kelkajn konjunkciojn kaj opoziciojn (malkonjunkciojn) ĉe la ekstera parto de la cirklo. Ni legu (escepte de kelkaj datoj) unue desupre ĉe la signo Amforo kontraŭhorloĝen:

Je la 4a de januaro: konjunkcio inter Jupitero kaj Uranuso ankaŭ sur Fiŝoj. Atentu Fiŝuloj kaj tiuj, kiuj havas Fiŝon kiel supreniran signon.

Je la 4a tago de februaro okazos konjunkcio inter la Suno (2) kaj Marso sur Amforo. Atentu Amforuloj kaj tiuj, kiuj havas Amforon kiel supreniran signon.

Post je la 17a tago de februaro okazos konjunkcio inter la Suno kaj Neptuno ankau sur Amforo. Atentu denove Amforuloj kaj tiuj, kiuj havas Amforon kiel supreniran signon.

Je la 25a de februaro: konjunkcio inter la Suno kaj Merkuro sur la signo Fiŝoj. Atentu denove Fiŝuloj kaj tiuj, kiuj havas Fiŝon kiel supreniran signon.

La 25an de februaro: Jupitero (sur Virŝafo) kaj Plutono (sur Kaprikorno) havos malbonan aspekton inter ili. Atentu do Virŝafuloj kaj Kaprikornuloj kaj ankaŭ tiuj, kiuj havas Virŝafon aŭ Kaprikornon kiel supreniran signon. Povus okazi malfacilaj kontaktoj inter vi.

Je la 21a de marto: konjunkcio inter la Suno kaj Uranuso sur Virŝafo. Atentu Virŝafuloj pri tiu evento kaj tiuj homoj, kiuj havas Virŝafon kiel supreniran signon.

Okazos ankaŭ la 28an de marto opozicio (malkonjunkcio) inter Jupitero (sur Virŝafo) kaj Saturno (sur Pesilo). Atentu do Virŝafuloj kaj Pesiluloj kaj ankaŭ tiuj homoj, kiuj havas tiujn signojn kiel supreniran signon. Malfacilajn okazaĵojn povus estigi inter vi.

La 6an de aprilo: sur Virŝafo konjunkcio inter la Suno kaj Jupitero. Atentu denove Virŝafuloj.

Tri tagoj poste, je la 9a de aprilo ni havos kunjunkcion inter la Suno kaj Merkuro kankaŭ sur Virŝafo. Atentu, ke tio okazos dum retroira movo de Merkuro. (3) (4)

La 9an de junio: Jupitero (sur Taŭro)  formos pozitivan aspekton kun Neptuno (sur Fiŝoj). Bona tempo por Taŭruloj kaj Fiŝuloj kaj tiuj, kiuj havas Taŭron aŭ Fiŝon kiel supreniran signon.

La 12an de junio: denova konjunkcio inter la Suno kaj Merkuro sur Ĝemeloj. La plej bona tempo por Ĝemeluloj kaj Virgulinuloj kaj tiuj, kiuj havas tiujn signojn kiel supreniran signon.

La 3an de aŭgusto: alia konjunkcio inter la Suno kaj Merkuro sur Leono. Atentu Leonuloj. Atentu, ke tio okazos dum retroira movo de Merkuro.

La 16an de aŭgusto: konjunkcio inter la Suno kaj Venuso ankaŭ sur Leono. Atentu denove la Leonuloj.

La 28an de septembro: konjunkcio Suno-Merkuro sur Pesilo. Atentu Pesiluloj kaj tiuj, kiuj havas Pesilon kiel supreniran signon. Atentu ankaŭ, ke tio okazos dum retroira movo de Merkuro.

La 13an de oktobro: konjunkcio Suno-Saturno sur Pesilo. Atentu Pesiluloj kaj tiuj, kiuj havas Pesilon kiel supreniran signon. Eble vi sentos iom senenergie aŭ iom lacaj.

La 4an de decembro: alia konjunkcio Suno-Merkuro sed sur la signo Arkpafanto. Atentu Arkpafantuloj kaj tiuj, kiuj havas Arkpafanton kiel supreniran signon.

La 29an de decembro: konjunkcio inter la Suno kaj Plutono sur Kaprikorno. Atentu Kaprikornuloj kaj tiuj, kiuj havas Kaprikornon kiel supreniran signon.

--------------------------------------------------------------------

Rimarkoj

1) Pri la supreniraj signoj legu tiun artikoleton: La du ĉefaj zodiakaj signoj de oni
2) Nepre ne provu vidi la konjunkciojn de la Suno kun aliaj planedoj, ĉar: a) Ili estas nevideblaj sen la uzo de specialaj ŝirm-vidiloj kaj b) Sen tiuj iloj, la sunlumo povus facile blindigi vin.

3) Pri la retroira movo de Merkuro legu tiun artikoleton: Retroira movo de Merkuro
4) Pri la retroira movo de la aliaj planedoj mi publikigos en venonta artikoleto.

La plej bona tempo de la jaro por fari ion.

Aparte de la ĵusdataj posicioj de la planedoj tiuj, kiuj disponas la energiojn malsame ĉiujare... Kiam estas la plej bona tempo de la jaro por fari ion? Via naskiĝtaga datreveno! Ekzakte ekde du tagojn antaŭe ĝis du tagojn poste! Kial? Do je tiu tempo la Suno, kiu reprezentas vian Povan Fonton kaj vian Spiriton, lokiĝas ekzakte en tiu punkto de la sunsistema spaco, je kiu ĝi estis tiam, kiam vi naskiĝis. Fakte, oni nomas tian okazon "La Suna Reveno", ĉar dum via naskiĝtaga datreveno la Suno "revenas" al tiu punkto.

Tiujn aferojn, kiujn ni konsideras esti la plej gravaj de la jaro kaj la plej necesaj aŭ signifo-havaj, oni devas fari dum tiuj kvar kvin tagoj menciitaj, ĉar tiam oni havas sian energian gradon je la maksimumo! Do, subskribi kontraktojn, edzigi aŭ edzinigi al iu, fari gravan voĵaĝon, komenci entreprenon, startigi partoprenon longtempo-daŭran, fari paroladon publike, kandidati, ktp. Ĉion ĉi oni devas fari ĉirkaŭ la naskiĝtaga datreveno de oni, por havi la pligrandan kvanton da energio celita por nia afero.

Ĉu vi jam scias, kiu estas via suprenira signo? Se ne, legu tion: La du ĉefaj zodiakaj signoj de oni  Kiam la Suno trairas vian supreniran signon, tiam estas ankaŭ tre bona tempo por fari la aferojn antaŭe menciitajn. Ekzemple, mia suprenira signo estas Kaprikorno. Do, aldone al mia naskiĝtaga datreveno por fari tiujn gravaĵojn, mi ankaŭ povas fari ilin dum la monato de Kaprikorno, tio estas: ekde la 21an decembre ĝis la 20an januare. Se vi scias, kiu estas via suprenira signo, vi nun scias, ke la monato de tiu signo estas ankaŭ tre konvena tempo de la jaro por viaj farendaĵoj kaj viaj farindaĵoj. Profitu ĝin!

La du ĉefaj zodiakaj signoj de oni

Oni havas du zodiakajn gravajn signojn: nian sunan signon kaj nian supreniran signon. La plej ĉefa signo el tiuj du estas kutime la suna signo. Tia estas la zodiaka signo tiu, kiu estis malantaŭ la Suno tiam, kiam oni naskiĝis. Ekzemple: mi naskiĝis je la 25a de aŭgusto. Je tiu tago la Suno havis malantaŭ si la zodiakan signon Virgulino. Mia suna signo do estas Virgulino. La suna signo estas la signo tiu, kiun oni konas pro la naskiĝtago de oni. Ĝi estas la signo tiu, kiun oni prilegas en la ĵurnalaj aŭ magazinaj horoskopoj.

La suna signo donas plejkutime al la persono siajn elstarajn ecojn aŭ trajtojn: ĝenerale oni havas la ecojn kaj trajtojn de onia suna signo. Tamen, oni havas alian gravan signon zodiakan: la supreniran signon. La suprenira signo estas tiu, kiu estis ĉe oriento tiam, kiam oni naskiĝis. Tio dependas kompreneble de la horo je kiu oni disiĝas disde onia patrina korpo. Ekzemple: kiam mi naskiĝis (tio estas, la tria horo kaj duono posttagmeze), tiam la signo Kaprikorno estis ĉe oriento. Do, Kaprikorno estas astrologie mia suprenira signo. Kial oni nomas ĝin "suprenira" aŭ "supreniranta"? Ĉar horon post horo ĉiu zodiaka signo ŝajnas supreniri ekde oriento, daŭrante tie pli-malpli du horojn ĉiu el ili.

Oni estas astrologie miksaĵo de tiuj du signoj, kaj la suna kaj la suprenira. La suna signo difinas kiel ni estas interne, kiel funkcias nia psiko. Nia animo kaj spirito estas kvazaŭ formitaj de la ecoj de nia suna signo. La suprenira signo difinas kiel ni elmontriĝas kaj al la mondo kaj al la aliaj homoj: ĝi difinas niajn eksterajn trajtojn. Nia personeco, nia "masko" (tio estas nia ekstera identeco) estas kvazaŭ formita de la ecoj de nia suprenira signo. Oni devas lerni trovi ekvilibron inter tiuj du signoj. Oni devas lerni kiel ne doni tro da fortoj al unu el ili kaŭzante malforton al la alia.

Retroira movo de Merkuro

Merkuro estas la plej proksima planedo al nia Suno. Ĝi estas planedo malgranda kaj rapidmova. Kiam ĝi moviĝas pasante inter la Suno kaj la Tero, tiam ŝajnas, ke ĝi iras malantaŭen kontraŭe al sia kutima direkto. Tiun malantaŭan movon oni nomas tiel: retroira movo. Pro tio, ke Merkuro estas la plej rapida planedo de la Sunsistemo kaj pro tio, ke ĝi kaj la Tero estas proksimaj, ĝiaj retroiraj movoj estas frekventaj: tri aŭ kvar fojoj ĉiujare. Nuntempe, ni povas vidi en la ĉielo la retroiran movon de Merkuro, kiu komenciĝis la 11an de decembro kaj finiĝos la 31an de decembro.

Astrologie la retroira movo de la planedoj estas signifo-plena. Tradicie tiaj movoj estis rigardataj kiel malbonsortaj: kiam la planedoj retroiras, tiam la astrologiaj influoj transformiĝas al siaj malbonaj efikoj. Ekzemple, astrologie Merkuro estas la planedo pri komunikado, poŝto, kaj informa kaj letera sendado. Se ĝi estas retroiranta, tiam la merkuraj influoj iĝas efike malbonaj sur la aferoj tiuj, kiujn la planedo regas. Nuntempe la astrologiistoj ne konsideras tiel pesimisme la retroiran movon de la planedoj. Tamen ili ja konsilas al la homoj havu zorgemon pri la aferoj traktataj de la planedo retroiranta.

Do, pri Merkuro retroiranta, jen kelkaj el la konsiloj sekvindaj ĝis la 31a de decembro:

*Subskribu neniun dokumenton, kontrakton aŭ similajn devigajn (laŭleĝajn) paperojn. Prokrastu ĉiun subskribon vian ĝis poste de la 1a de januaro.

*Havu la plej grandajn zorgojn pri viaj mesaĝoj, leteroj, informoj sendotaj, kaj simile. Dum la merkura retroira movo estas kutime estigi erarojn pri la sendado de mesaĝoj kaj ankaŭ miskomprenoj abundas.

*Se vi vojaĝas tiutempe, havu kromajn atentojn: estas plejeble, ke la vojoj aŭ la veturiloj difektiĝos. Havu duan planon aŭ planon por eliri el "eblaj danĝeroj".

Kelkaj ideoj pri la tri planedaj konjunkcioj okazantaj nuntempe.

Jen kelkaj ideoj skribitaj pri la tri planedaj konjunkcioj priskribitaj en la antaŭ artikolo. Kelkaj el tiuj ĉi aferoj nure povus okazi, aliaj devus okazi (tio estas, la konjunkcioj signas la tempon ĝustan por ili okazi), kvankam tio ne signifos, ke la unuopuloj fakte decidos agi.

*Akcelitaj movoj de la menso.

*Pensoj subitaj, agemaj kaj eble agresemaj.

*Frekventaj trafikakcidentoj.

*Sendo de bombletero. (Vidu informojn pri Jemenujo.)

*Komunikado agresema.

*Movoj lertaj kaj tre precizaj. (La konjunkcio inter Marso kaj Merkuro povintus aktivigi la vulkana eruptado en Suda Azio.)

*Malkaŝo de militistaraj dokumentoj. (Vidu informojn pri WikiLeaks.)

*Tujaj delokigoj de trupoj. (Vidu informojn pri Jemenujo, kaj la afero inter Nikaragvujo kaj Kosta-Rikujo.)

*Verkado aŭ publikigado de libroj aŭ teorioj revoluciemaj. (Vidu informojn pri la pedofilia "manlibro" publikigita ĉe Amazon, du semajnoj antaŭe.)

*Memkonduto nekutime ekscentra de Ŝtatestroj aŭ Regnestroj.

*Aprobo de leĝoj troe ekstremaj aŭ originalaj.

*Pligrandigo de la jurisprudenco al nekredeblaj grundoj.

*Agado vaganta aŭ fantazia de certaj juĝsistemoj aŭ juĝistoj.

*Invado al la spaco de la prezidanta povo aŭ juĝada povo fare de religiaj grupoj. (Vidu informojn pri la moskeo en Hamburgo.)

*Antaŭenira movo fare de certaj teokratiaj ŝtatoj.

*Malkovro de novaj formoj de energio.

*Pliaj okazaĵoj kun publika interesigo ĉe minejoj, naftaj traboradaj putoj, ktp.

*Okazaĵoj pri reĝo aŭ Ŝtatestro aŭ Regnestro ĉe la pinto de monto.

*Novaj formoj de krimeco, de vandalismo, kaj novaj formoj de seksaj perversigoj, drogaj misuzoj, ktp. (Tio rilatas ankaŭ al la skandalo pri la libro publikigita en Amazon kaj al la skandalo pri la komputila ludo en kiu la vizaĝo de Fidel Castro estas uzita kiel celpunkto por pafado.)

Tri planedaj gravaj eventoj nuntempaj.

Nuntempe elstaras tri konjunkcioj povo-havaj:


Konjunkcio inter Merkuro kaj Marso

Tiu ĉi planeda konjunkcio startis hieraŭ kaj daŭros multe da semajnoj, ĝis tiam, kiam Merkuro komencu sian fifaman retroiran movadon (je la 11a de decembro), movado tiu, kiu malproksimigos ambaŭ planedojn malrapide. La konjunkcio rompiĝos finfine je la 19a de decembro. Tiu ĉi konjunkcio okazos precipe sur la zodiaka signo Arkpafanto (Sagitarius), sed iom ankaŭ sur la unuaj gradoj de Kaprikorno. Pro tio, ĝiaj efikoj estos suferitaj precipe de tiuj signoj, kaj de la zodiaksignoj Virŝafo (Aries), Virgulino (Virgo) kaj Ĝemeloj.

Tiu ĉi evento donos energion al la menso, estigante fulmajn pensojn plenajn de energio. Tiuj personoj, kiuj scios kiel profiti el ĝi, povos facile venki la kontraŭulojn, kaj rezulti venkintoj ĉe sportaj konkuradoj, aŭ ĉe laboradaj kaj lernejaj aferoj. Oni devas atenti pri la disputoj kaj la diskutoj: la energio kaj de Marso kaj de Merkuro enmiksitaj povas realiĝi per certa agresemo parola.

Konjunkcio inter Jupitero kaj Urano

Tiu ĉi planeda konjunkcio estas jam kelkajn semajnojn okazanta, kaj daŭros aktiva ĝis la 11a de februaro venonta. Tiu ĉi planeda evento okazas precipe sur la lastaj gradoj de la zodiaksigno Fiŝoj (Piscis), sed ĝi ankaŭ paŝos sur la unuaj gradoj de la signo Virŝafo, sekve tiuj du zodiaksignoj ricevos pli intense tiu ĉi konjunkcio, kune kun la signoj Arkpafanto kaj Akvumanto (Acuarius).

Tia kunjunkcio faciligas ian optimisman imagon kaj unuekreitan vision pri la estonteco. Tiu ĉi evento favoras amikecajn ligojn kaj filantropiajn agadojn. Estos procedoj pri sendependeco kaj la starigo de ŝanĝoj. Estos bonefika profiti el tia miksaĵo de energioj por la krea laboro kaj la potencigo de la originaleco.

Konjunkcio inter Plutono kaj la Luna Norda Nodo

Tiu ĉi konjunkcio startis sur Kaprikorno kaj etendiĝos kelkajn monatojn ĝis la venonta jaro. Havigos efikon precipe ĉe la personoj de la zodiaksignoj Kaprikorno kaj Skorpio, sed ĝenerale ĝi establigos etoson de konduto por la tuta mondo. La Norda Nodo Luna aktivigos la ambicion kaj la konkuradan spiriton, tipaj el Kaprikorno, donanta al ĝi ian nenormalan povon. La flankoj nure materiaj de la vivo, la mono kaj la politika povo ekzemple, estos la aferoj plej gravaj por atentigi. Dum tia tempodaŭro, la solvo de konfliktoj kaj de ĉiu klaso de problemoj, devos esti efektivigitaj per la agmaniero Kaprikorna: multo da pragmatismo kaj praktika senco, flankenlasante la cerbumaĉadojn filozofajn kaj religiajn. Aliflanke, la Norda Nodo Luna, iranta sur Plutono, povas formiĝi en tragikaĵo kaj drastaĵo. Plutono emas produkti krizojn tiujn, kiuj elrompiĝas perforteme, liberigante grandajn kvantojn da energio kaj da krimaj kondutoj. Tiam, kiam la Norda Nodo ekmalproksimiĝos de Plutono, tia agresema kaj perfortema inklino foriĝos.

Delegita Reto de UEA

http://www.uea.org/asisto.html

LA SIGNOJ, LA KONSTELACIOJ, KAJ LA ANTAŬCEDO DE LA EKVINOKSO

Miloj da antaŭ ... jaroj, kiam la babilonanoj komencis starigi la principojn de astrologio,  la konstelacioj kaj la signoj estis tute envivigitaj. Sur la vernala ekvinokso (la unua tago de printempo), la Suno estis “en” la konstelacio de Arieso: Tio estas, se vi povus  vidi la Sunon kaj la stelojn samtempe, vi vidus  la Sunon ĉirkaŭita de la steloj de Arieso. En tiuj feliĉaj tagoj, la signoj kaj la konstelacioj koincidis. Bedaŭrinde, tamen, ĉi tiu jam ne  plu estas la kazo. Sur la vernala ekvinokso hodiaŭ, la Suno montriĝas meze de la  malhelaj steloj de Fiŝo- tute alia efektiva boligilo. 

La kialo de ĉi tiu movo estas tio, ke la Tero  moviĝas sur ĝia akso,  kaj ties spuroj cirklas en la kosmo kiel la supra parto de ludilo. Kiel la aksoj  moviĝas, la konstelacioj ŝajne  retroiras. La kvanto de retroirado super homa vivdaŭro estas eteta, sed super generacioj ĝi rezultas granda. Rezulte, ĉiu ekvinokso okazas iomete pli frue en la zodiako ol tiu, kiu antaŭas. Ĉi tiu procezo estas nomata la antaŭcedo de la ekvinoksoj. Ĝi klarigas kial la vernala ekvinokso, kiu ofte okazis ĉe la konstelacio de Arieso, nun okazas ĉe la konstelacio de Fiŝoj. 

Kiam la ekvinokso iras eĉ pli retroeen ĉe la konstelacio de la Akvisto, la Aĝo de La Akvisto oficiale komencas. Astrologoj malsamas pri kiam tio okazos. Iuj diras, ke ĝi estas okazanta nun. Aliuloj kredas ke tio komencis  jardekoj - aŭ jarcentoj - for. Poste, la ciklo komencos denove. Ĉirkaŭ la jaro 23800, la vernala ekvinokso  revenos al Arieso, kaj astrologoj povos eviti ĉi tiun tutan klarigon. Dume, konstelacioj de la zodiako kaj la signoj de la zodiako ne estas la samo. 

Skeptikuloj, kiuj atakas astrologion - kaj ial, ĉi tiuj singardaj animoj povas esti mirige malamikaj - ofte indikus la ŝanĝ-pozicion de la konstelacioj kaj la antaŭcedon de la ekvinoksoj kiel pruvo, ke astrologio estas falsaĵo. Verdire astrologoj estas bone konsciaj pri ĉi tiu fenomeno. Ili konsideras la konstelaciojn kiel vojmontrilojn kaj iomete pli malgradaĵoj. Kio gravas estas la divido de la ekliptiko. La steloj, kvankam ili estas tie neniel koncernas vian signon

LA EKLIPTIKO

Jen estas la sekvantaj tri plej gravaj faktoj pri la ekliptiko:

La ekliptiko reprezentas la ŝajnan vojon de la Suno ĉirkaŭ la Tero – ŝajna ĉar, efektive, la Suno ne turnadas ĉirkaŭ la Tero el iel ajn modo. Ĝi nur ŝajnas tiel. 

Kiel cirklo, la ekliptiko estas dividita en 360 gradoj – kaj ĉiu grado estas, laŭvice, dividita en 60 minutoj. La unuaj 30 gradoj de la ecliptiko estas Arieso, la sekvontaj 30 gradoj estas Taŭro, kaj tiel plu. 

La steloj kiuj estas disigita kiel polvo laŭ la tutlongeco de la ekliptiko formas la konstelaciojn de la zodiako. 

Jen la konfuza parto: La signoj de la zodiako kaj la konstelacioj kiuj havas iliajn nomojn, ne estas la samo. La signoj estas dividoj de la ekliptiko, ĉiu estas ĝuste unudekduo de la totala longeco - 30 gradoj. La konstelacioj neniel koncernas la signojn.

LA NATURA RADO ( ASTRA DIAGRAMO, MAPO, TEMO AŬ ĈARTO)

Por alkitimiĝi al la starigo de astrologaj mapoj, vi nun povas lerni kiel komeci tion fari, kaj lokigi akurate ĉiun signon, en la korekta domo.
Desegnu unu grandan cirklon; poste dividu ĝin en 12 partojn po 30 gradojn ĉiu el ili, laŭ la desegnaĵo kiun ni donas ĉi sube.
La lineo horizontala en la orienta punkto (kutime ĉe via maldesktra flanko), kiu dividas la 12-a Domo disde la 1-a Domo, oni nomas "ascendanto" ( ankaŭ ascendejo aŭ supreniranto)) kaj montras la verton de la 1-a Domo. Desegnu la glifon de Arieso, tie kie la horizontala lineo tuŝas la cirklon. Ĝuste la kontraŭa punkto en tiu ĉi horizontala lineo oni kutime nomas "descentanto" (ankaŭ descendejo), kaj disiĝas la 6a domo disde la 7a domo.
Poste, malsupreniru 30°, en la kontraŭhorloĝa direkto; kaj tie faru streketon super la cirklon. Tie estas la divid-punkto inter la 1-a kaj 2-a Domoj. Desegnu ĉi tie la glifon de Taŭro. Faru same kaj skribu la glifojn de ĉiuj aliaj signoj, finigante per la glifo de fiŝoj.

LA ASTROLOGIA ALFABETO

La astrologia alfabeto korespondas al la grafika reprezentado de la diversaj planedoj, signoj kaj rilateblecoj inter ili.

Ili ne estas tro malfacilaj por parkerigi, kaj ni instruos ilin laŭ la aplikado kaj aperado de niaj artikoloj.
Oni ankaŭ nomas ilin glifojn .
Jen ili: http://eo.wikipedia.org/wiki/Zodiako

KIO ESTAS HOROSKOPO?

La vorto horoskopo signifas "hormontrilo". Ĝi estas mapo aŭ diagramo de la ĉielo starigita kun la celo determini la potencojn kaj karakterojn de iu persono naskita en certa dato kaj loko sur la planedo Tero. Tiu ĉi diagramo estas ankaŭ nomita naskiĝ-dato, radika mapo aŭ naskiĝ-ĉarto. Por ellabori precizan horoskopon, estas bezonata havigi la ĝustan naskiĝdaton kaj -horon kaj la latitudo kaj longitudo de la naskiĝloko. Oni devas memori, ekde la komenco, ke oni ne devas starigi horoskopon sen ĝustaj datumoj bazitaj sur oficialaj registroj. La patrina atesto, kiu diras ke ŝia filo naskiĝis je tiu al tiu alia horo povas esti nekorekta. Precizigi la korektan horon estas urĝa, ĉar male tio povas kaŭzi erarojn kaj igi la horoskopon duba kaj misfamigi astrologion

KIO ESTAS LA SIGNOJ?

La signoj estas dividiĝo el la blua spaco de cirklo nomata "ekliptiko". La ekliptiko estas la vojo, en la ĉielo, tra kiu verŝajne la planedoj kuras. Estas 360° en cirklo, kaj ekzistas 12 signoj, ĉiu el ili okupas parton kun ekzakte 30°. Virŝafo estas la nomo donita al la unua parto de 30° el la spaco, komencante per la printempa ekvinokso.
Tiel, la signoj estas kalkulitaj komencante ekde tio, kio la astrologoj nomiĝas eniron en Virŝafo, aŭ la punkto kie la Suno atingas la 0° de Virŝafo. Tiu punkto nun estas lokita en la konstelacio de Fiŝoj.
Se vi trovas iun kiu scias pri astronomio aŭ pri siderala astrologio, klopodos ridindigi vin kaj malfidi je vi kaj viaj ideoj pri astrologio. Ambaŭ pravas pri siaj opinioj, ĉar parolas pri la sama afero, kaj vi jam estas avertita ke nuntempe Virŝafo komencas en la konstelacio de Fiŝoj kaj ne en tiu de Virŝafo mem.

KIEL ONI DIVIDAS ASTROLOGION?

Origine, astrologio estis dividita en kvar partoj:

• NATURA AŬ FIZIKA : temas pri la influo de la planedoj sur la maroj, la klimato, la atmosfero kaj la sezonoj.
• MONDUMA AŬ JUSTICA: temas pri astrologio de la nacioj, ŝtatoj, pri ilia ekonomio kaj la politikaj cikloj.
• NASKIĜA AŬ GENETIKA: estas astrologio pri la individuoj kaj la studado de iliaj naskiĝmapoj.
• HORARA: temas pri la studado de iu difinita demando, kiu okazas en difinitaj loko kaj momento

Krome estas du klasoj de astrologio praktikataj en Okcidenta mondo. Unu estas nomata astrologio tropika; la alia estas siderala. Tropika Astrologio donas la lokiĝon de planedo per signo. Siderala Astrologio donas la lokiĝon per konstelacio. por kompreni la diferencon inter ili ambaŭ, estas bezonate kompreni la diferencon inter signoj kaj konstelaciojn. Ambaŭ havas la samajn nomojn, kio povas esti iom konfuza por komencantoj. Jam for 4 mil jaroj kiam dum la printempa ekvinokso, la unua tago de printempo, la suno estis en la konstelacio de Virŝafo (Arieso aŭ Ŝafo), tute ne estis diferenco. La signoj kaj konstelacioj koincidis plene. Nuntempe pro la precesio, tio estas, la malrapida turniĝo de la Tero super ĝia akso, la Suno eniras en la printempan ekvinokso tra Virŝafo, sed en la konstelacio de Fiŝoj.

KIO ESTAS ASTROLOGIO?

Astrologio estas la scienco, kiu enketas pri la agado de la bluaj korpoj super la animitaj kaj neanimitaj aĵoj, kaj la reago el tiuj ĉi al tia influo. Astrologio aperas inter la unuaj homaj lernadoj. Ĝi estas la patrino de astronomio; dum multaj jaroj, ambaŭ estis nur unu sama scienco. Nuntempe, astronomio estas scienco pri distancoj, grandoj, masoj, movoj, rapidecoj, lokiĝoj ktp, surbaze de observadoj faritaj per iloj kiel la teleskopio. Astronomio povas do esti nomata "objektiva scienco", dum astrologio devas esti nomata "subjektiva scienco". Tiel, starigo de naskiĝ-karto estas, fakte, astronomia proceduro; la interpretado aŭ priskribo de la naskiĝ-karto estas astrologia proceduro.
Astrologio ankaŭ traktas kun la anguloj inter la planedoj kaj la observado de iliaj efektoj sur la homaro. La signoj estas maniero dividi la ĉielo; la Domoj ankaŭ, malgaru tio ke ili baziĝas en la naskiĝloko. La signo povas esti konsiderita kiel agad-kampo; la Domo estas la loko kie okazas la agon, kaj la planedo estas la ekagad- povo aŭ forto.
Astrologio instruas nin pri la ekzisto de harmonio kaj simetrio en la universo, kaj ke ĉiuj ni estas parto de unu ĉio. Tiel, oni devas klopodi kompreni astrologion kiel filozofio, kiun helpas klarigi la vivon, kaj ne kiel prediktiva arto aŭ scienco. La celo de astrologio ne estas kulpigi la planedojn pro tio, kio okazas al ni, sed male, lerni pri ni per la planedaj indikoj. Kiam ni vidas nin klare, ni povas malkovri nocajn ecojn en ni mem, kaj tiel niaj vivoj povas igi pli plenaj, pli produktivaj kaj cel-plenplena.

KIAL STUDADI ASTROLOGION?

Jen tikla demando, ĉar homoj ofte pensas ke astrologio estas nek scienco, nek ion lernenda. Do, ĉi tie ni donas kelkajn kialojn, laŭ kiu vi povas eklerni ĝin:

• ĜI ESTAS SIMBOLA LINGVO: Pli ol arto, astrologio estas lingvo. Ĝi donas simbolajn ŝlosilojn por distingi kaj esprimi nuancojn en la menso de la popolo. Ĝi povas esti eksterordinare riveliga kiam oni sukcesas kompreni sin mem kaj aliulojn. Laŭ la lumo de astrologia ĉarto, pluraj agoj kaj motivigaj fortoj en la popolo subite prenas malsaman dimension- kaj la astrologia interpretado donas la signifojn-.
• MEM MALKOVRO: Astrologio estas povuma ilo por mem malkovrado. Granda parto de la esenca studado en astrologio estas studi la propran ĉarton, en preskaŭ ĉiaj eblaj modoj, klasdesegnaĵoj, ktp. Ĉiu nova maniero por desegni la ĉarton, estas alia spegulo, ŝancon por reflekti specialan eron de si mem. Baldaŭ vi elkovros ke tiujn bazajn elrigardojn pri vi mem, rapide ŝanĝos kaj nova lumo permesos al vi malkovri la kialojn de viaj agoj kaj elektoj en la pasintenco. Novaj ŝlosiloj kaj facetoj estos rivelitaj kaj permesos al vi ekkomenci transformigan laboron de via esto.
• STUDADO DE SIMBOLISMO : Astrologio estas eble la plej ampleksa sistemo starigita pri simbola pensado. Tial, ĝi estas vera vojo por eniri en la studado de simbolismo, kiu poste povas esti aplikata al ĉiuj kampoj, ekde plantoj ĝis sonĝoj, tra medicino kaj kemiaj disvolviĝo.

LA PLANEDOJ TRA LA UNUA DOMO

SUNO : Viveco kaj sano
LUNO :Emociaj pli-malplioj
MERKURO :Sociaj komunikadoj kaj aktivecoj
VENUSO :Beleco kaj pligrandiĝo de persona ĉarmo
MARSO :Agresemaj impulsoj
JUPITERO: Ebla pligrandiĝo de pezo
SATURNO: Lacemo kaj manko da viveco
URANO :Nervozismo kaj troa aktiveco
NEPTUNO: Emo al reviĝo
PLUTONO : Drastaj personaj ŝanĝoj