Mostrando las entradas con la etiqueta astra mapo. Mostrar todas las entradas
Mostrando las entradas con la etiqueta astra mapo. Mostrar todas las entradas

28 ago 2011

Astra mapo, Kvina Parto: Relativaj pozicioj de la planedoj

La astra mapo montras la relativajn ŝajnajn poziciojn de la planedoj de nia sunsistemo. Rigardante de nia naskiĝloko sur la Tero, laŭ la astrologio, ne gravas la ekzaktaj relativaj pozicioj de la planedoj, ĉar la astrologiaj influoj de la planedoj ne estas fizikaj fortoj: ili ne dependas de la fizika proksimeco aŭ malproksimeco de iu planedo. Por ni, ĉar estante etaj estaĵoj sur la Tero, nur gravas la punkto tiu, kie la planedo kuŝas sur la ekliptiko aŭ sur la Zodiaka bendo. Tiaj relativaj pozicioj estas montrataj en la astra mapo, pere de la gradoj de la Zodiakaj Signoj.

La astra mapo montras la poziciojn de la planedoj tiel, kiel ili estis tiam, kiam iu persono naskiĝis. Do tiusence la astra mapo estas la astra naskiĝakto (aŭ naskiĝcertigilo aŭ atestilo) de la persono. Tamen la astra mapo ankaŭ povas esti la astra naskiĝakto de iu okazaĵo, entrepreno, firmao, regno, aĵo, ktp. Per la sekvanta bildo oni povas vidi ekzemple la relativajn poziciojn de la planedoj dum la Atenco de Sarajevo (28-a junio 1914), okazaĵo komencinta la Unuan Mondmiliton:


Tiu ĉi bildo ne estas astra mapo: ĝi estas ia mapo de la sunsistemo dum la menciita dato, por ke vi povu vidi la relativajn poziciojn de la planedoj. Atentu, ke la realaj distancoj inter la planedoj ne estas montrataj tie ĉi, pro tio, ke la ena sunsistemo iĝus nevidebla en la bildo. La flava punkto ĉe la centro estas la Suno. La nebula griza linio inter la orbitoj de Jupitero kaj Marso estas la kampo de asteroidoj. La Zodiaka bendo montriĝas ekstere de la orbito de Plutono, por ke oni vidu pli-malpli la 30-gradajn segmentojn de la Zodiakaj Signoj.

Pri tiu ĉi astra mapo, la pozicio de la Luno estas ankoraŭ konfirmota.

Tiu ĉi bildo ja estas astra mapo pri la Atenco de Sarajevo. La Tero troviĝas ĉiam ĉe la centro de la astra mapo, ĉar la Tero estas la naskiĝloko de ni ĉiuj kaj ankaŭ la “okazloko” de ĉiu homa afero esplorata de astrologio. La centro de la astra mapo estas kvazaŭ la malplena linio de la naskiĝakto tie, kie devas esti la nomo kaj naskiĝloko de la naskinto. Kaj ĉiu astra mapo (almenaŭ ĉiuj teranaj astraj mapoj) havas la Teron kiel naskiĝlokon. Se la Suno estus ĉe la centro de la astra mapo, ĝi estus kvazaŭ la naskiĝakto de la Suno, kaj tia kono ne eblas por ni.

Ĉiu planedo estas montrita tie, kie ĝi ŝajnis esti (rigarde de la Tero) dum la esplorita okazaĵo. Je la 28-a junio 1914, la Suno estis je la 6º de la Signo Kankro. Do, ne de la Stelaro Kankro, sed de la Zodiaka Signo Kankro (legu la antaŭajn artikolojn). Merkuro estis je la 28º de Kankro. Venuso estis je la 10º de Leono. Marso estis je la Unua grado de Virgulino. Jupitero estis je la 22º de Akvisto. Saturno estis je la 23º de Ĝemeloj. Urano estis je la 11º de Akvisto. Neptuno estis je la 27º de Kankro. Plutono estis je la grado nul de Kankro (ĝuste inter Ĝemeloj kaj Kankro). Kaj la Luno estis je la 6º de Virgulino. Tiuj ĉi ne estas la tuto de la eroj tiuj, kiujn povas montri la astra mapo. La astra mapo ankaŭ devas montri la aspektojn tiujn, kiujn la planedoj estigas inter si. Ni lernos tion per sekvantaj artikoloj. 

26 ago 2011

La Astra Mapo, Kvara Parto.

La malsamecon inter Zodiakaj Stelaroj kaj Zodiakaj Signoj estis klarigita en la antaŭa artikoleto. Nun vi scias, ke la Zodiakaj Signoj estas egallarĝaj segmentoj de 30 gradoj, kiuj dividas la Zodiakan bendon en dek du partojn. Tiuj ĉi segmentoj estas montrataj en la astra mapo.

Klaku sur la bildo por pligrandigi ĝin.

Dum la Tero moviĝas ĉirkaŭ la Suno, ŝajnas al ni, ke la Suno staras fronte de unu el la 30-gradaj segmentoj de la Zodiakaj Signoj. La tempodaŭro de tiu ĉi staro estas la zodiaka monato. Ekzemple: en la bildo, je punkto A, ni havas la 23-an de oktobro. Rigardante de la Tero, la Suno ŝajnas trairi de Pesilo al Skorpio. Tio ĉi estas la komenciĝo de la astrologia monato de Skorpio (ne de la fizika stelaro, sed de la Zodiaka Signo). Iom post iom la Tero moviĝas antaŭen, kaj tiam ni havas punkton B: la 22-a de novembro. Je tiu ĉi punkto la Suno jam trairis la tutan longon de la segmento Skorpio, kaj nun eniras la sekvantan segmenton, Arkpafanto. Tiel la Suno trairas ĉiu segmento de la Zodiako je tempodaŭro po pli-malpli unu monato. Kiam iu persono naskiĝas inter la 23-a oktobro kaj la 22-a novembro, la Suno estas sur la segmento Skorpio, sekve la Suna Signo de tiu persono estas Skorpio.

24 ago 2011

La Astra Mapo, Tria Parto.

La Ĉielmezo, la Ascendinta signo kaj Descendinta signo

Dumtage oni povas facile kompreni la ŝajnan movon de la ĉielo pere de la movo de la Suno. La dek du Zodiakaj Signoj ŝajnas moviĝi ankaŭ kun la Suno. Se vi loĝas, ekzemple, ĉe la ekvatoro de la Tero, la Suno aperos je oriento pli-malpli je la sesa horo matene:


En tiu ĉi bildo la Suno staras ĉe la signo Kaprikorno. Do, temas pri iu tago komence de januaro. Se iu persono naskiĝis je tiu ĉi horo, tiam la Suno estos ĉe la Ascendejo de la persono. Tiu persono estas Kaprikornulo kun Ascendinta Signo Kaprikorno kaj Descendinta Signo Kankro (vidu la Descendejo).


En tiu ĉi bildo la Suno staras ankaŭ ĉe la signo Kaprikorno, sed je la dek dua horo de la tago (la tagmezo en la Tera ekvatoro) la Suno jam ne estas ĉe la Ascendejo: Ĝi estas ĝuste meze de la vojo inter la Ascendejo kaj la Descendejo. Tiun ĉi punkton, kiu estas tute orta rilate al la horizonto, oni nomas Medium Coeli: la Mezo de la Ĉielo aŭ Ĉielmezo. Se tiu ĉi estas la astra mapo de iu persono, tiam tiu ĉi persono estas Kaprikornulo (la Suno staras en Kaprikorno), sed lia/ŝia Ascendinta Signo estas Virŝafo kaj lia/ŝia Descendinta Signo estas Pesilo.


Se la persono naskiĝis ĉirkaŭ la sesa horo posttagmeze (en la ekvatoro de la Tero), tiam la Suno aperos en lia/ŝia astra mapo ĉirkaŭe de la Descendejo. Se temas pri iu komenca tago de januaro, tiu ĉi signo estos Kaprikorno. Tiu ĉi persono estas do Kaprikornulo kun Ascendinta Signo Kankro kaj Descendinta Signo Kaprikorno. Tiuj tri signoj estas ja tre gravaj por la persono. Kiel vi jam vidis, oni nomas ilin:

1. La Suna Signo (la signo tiu, kie la Suno kuŝas dum la naskiĝo de la persono).
2. La Ascendinta Signo (la signo tiu, kiu estas ĉe la Ascendejo dum la naskiĝo).
3. La Descendinta Signo (la signo tiu, kiu estas ĉe la Descendejo dum la naskiĝo).

Laŭ la bildo unua, la persono estus Kaprikornulo (Suna Signo Kaprikorno). Lia/ŝia Ascendinta Signo estas ankaŭ Kaprikorno kaj lia/ŝia Descendinta Signo estas Kankro.

Laŭ la bildo dua, la persono estus Kaprikornulo (Suna Signo) kun Ascendinta Signo Virŝafo kaj Descendinta Signo Pesilo.

Laŭ la bildo tria, la persono estus Kaprikornulo (Suna Signo) kun Ascendinta Signo Kankro kaj Descendinta Signo (ankaŭ) Kaprikorno.

La Astra Mapo, Dua Parto.

Zodiakaj signoj kaj planedoj

En la antaŭa artikoleto estis eksplikita kio estas la Ascendejo kaj la Descendejo de la astra mapo. Estis asertite, ke la planedoj, la Suno kaj la Luno, leviĝas disde la Ascendejo kaj subiras tra la Descendejo. Ne nur tiuj astroj ŝajnas fari tiun trairadon. La dek du Zodiakaj Signoj ŝajnas ankaŭ leviĝi kaj subiri, trairantaj la ĉielon.


Se vi loĝas en kamparo aŭ se vi havas la eblon eliri la urbon (kie oni ne povas vidi la stelojn kaŭze de la urba lumo) por rigardadi la ĉielon, vi povos vidi kiel malrapide la stelaroj leviĝas disde oriento, dum la kontraŭaj stelaroj subiras malaperante tra okcidento, ĝuste tiel, kiel la planedoj mem faras. Ĉiu Zodiaka Signo bezonas du horojn por trairi tra la Ascendejo: 12 Zodiakaj Signoj oble 2 horoj = 24 horoj de la Tera diurno. Ĉiu signo havas 30 gradojn tiel, ke la 12 Zodiakaj Signoj kompletas la 360 gradojn de la ĉiela cirklo.

La astra mapo do celas reprezenti du astrajn fenomenojn: la dek du Zodiakajn Signojn kaj la sidlokon de la planedojn. Por atingi tiun celon la astra mapo havas du cirklojn: unu ekstera cirklo por montri la Zodiakajn Signojn kaj unu interna cirklo por montri la sidlokojn de la planedoj je iu momento specifa.


La Zodiakaj Signoj

     Certe vi multe aŭdis pri konstelacioj kaj signoj de la zodiako sed vi sciis, ke ili ne estas la samaj komprenante, ke la zodiaka rado e...